Pilotschoulen Pilotschoulen

D'„Schoul Uewerkuer″ ass eng vun de 5 Grondschoule vun der Gemeng Déifferdeng. Ronn 430 Schüler sinn an 29 Klassen ageschriwwe fir d'Schouljoer 2024/2025, dovunner 9 Klassen am Cycle 1 an 20 Klassen an de Cyclen 2-4.

An enger éischter Phase ass de Pilotprojet fir d'Rentrée 2022/2023 am Cycle 1 ugelaf. Wärend dem Schouljoer 2023/2024 goufen an 2 Klasse vum éischte Joer vum Cycle 2 ingesamt 28 Schüler alphabetiséiert, dovunner 14 Schüler op Franséisch a 14 Schüler op Däitsch.

Am Schouljoer 2024/2025 ginn am éischte Joer vum Cycle 2 12 Schüler op Franséisch alphabetiséiert a 24 Schüler op Däitsch. Am zweete Joer vum Cycle 2 si 16 Schüler am franséische Grupp a 16 Schüler am däitsche Grupp.

Esou wéi de Plan d'études et virgesäit, gëtt d'Alphabetiséierungssprooch wärend 9 Unterrechtsstonnen an der Woch ënnerriicht an déi zweet Sprooch wärend enger Unterrechtsstonn mëndlech. D'Mathematik gëtt an engem gemëschte Grupp ënnerriicht an d'Unterrechtssprooch an de sougenannten Niewefächer ass Lëtzebuergesch.

D'„Schoul Deich″ ass eng vun de sechs Grondschoulen an der Gemeng Diddeleng. Fir den Ufank vum Schouljoer 2024/2025 sinn 301 Kanner an 21 Klassen ageschriwwen (6 Klassen Cycle 1 a 15 Klassen Cyclen 2-4).

Fir d'Rentrée 2022/2023 gouf de Pilotprojet an der Schoul lancéiert, dëst an enger éischter Phas am Cycle 1. Wärend dem Schouljoer 2023/2024 hunn zwou gemëschte Klassen mat am Ganzen 35 Schüler aus dem éischte Joer vum Cycle 2 um Projet deelgeholl, dovunner goufen 12 Schüler op Franséisch an 23 Schüler op Däitsch alphabetiséiert. 

Fir d'Schouljoer 2024/2025, sinn et 13 Schüler, déi am éischte Joer vum Cycle 2 op Franséisch alphabetiséiert ginn, a 14 op Däitsch. Am zweete Joer vum Cycle 2 si 17 Schüler am franséische Grupp a 16 Schüler am däitsche Grupp.

Esou wéi de Plan d'études et fir Schüler vum Cycle 2 virgesäit, gëtt d'Alphabetiséierungssprooch wärend 9 Unterrechtsstonnen an der Woch ënnerriicht an déi zweet Sprooch wärend enger Unterrechtsstonn mëndlech. D'Mathematik gëtt an der Alphabetiséierungssprooch enseignéiert an an de sougenannten Niewefächer ass d'Unterrechtssprooch Lëtzebuergesch.
 

Am Schouljoer 2023/2024 zielt d'„Fielser Schoul" 183 Schüler, déi vu 27 Enseignanten encadréiert ginn. (4 Klassen Cycle 1 an 10 Klassen Cycle 2-4).

Zanter dem Ufank vum Schouljoer 2022 gouf de Pilotprojet an enger éischter Phase am Cycle 1 lancéiert. Säit der Rentrée am September 2023 geet de Projet an zwou anere Klassen vum éischte Joer vum Cycle 2 weider. Am éischte Joer vum Cycle 2 sinn am Ganze 26 Schüler ageschriwwe. Dovunner ginn 14 Schüler op Franséisch an 12 Schüler op Däitsch alphabetiséiert.

Esou wéi de Plan d'études et virgesäit, gëtt d'Alphabetiséierungssprooch wärend 9 Unterrechtsstonnen an der Woch ënnerriicht an déi zweet Sprooch wärend enger Unterrechtsstonn mëndlech. D'Mathematik gëtt an der Alphabetiséierungssprooch enseignéiert an an de sougenannten Niewefächer ass d'Unterrechtssprooch Lëtzebuergesch.

D'„Nelly Stein Schoul″ ass eng vun den 3 Grondschoule vun der Gemeng Schëffleng. Am Ufank vum Schouljoer 2024/2025 waren 248 Schüler a 15 Klassen ageschriwwen (3 Klassen Cycle 1 a jeeweils 2 Klassen an de Cyclen 2, 3 a 4).

Fir d'Rentrée 2022/2023 huet de Pilotprojet vun der Alphabetiséierung op Franséisch souwuel am Cycle 1 wéi och direkt am éischte Joer vum Cycle 2 ugefaangen. E Grupp vun 28 Schüler vum éischte Joer vum Cycle 2 ass mat der Alphabetiséierung gestart, dovunner 12 Schüler op Franséisch a 16 Schüler op Däitsch. 

Wärend dem Schouljoer 2023/2024, sinn am éischte Joer vum Cycle 1 e Grupp vu 28 Schüler alphabetiséiert ginn, dovunner 12 op Franséisch a 16 op Däitsch. Am zweete Joer vum Cycle 2 waren et 14 Schüler, déi weiderhin op Franséisch liesen a schreiwe geléiert hunn a 16 op Däitsch.

Am Schouljoer 2024/2025 ginn am éischte Joer vum Cycle 2 15 Schüler op Franséisch alphabetiséiert a 10 Schüler op Däitsch. Am zweete Joer vum Cycle 2 si 15 Schüler am franséische Grupp a 19 Schüler am däitsche Grupp. Dat éischt Joer am Cycle 3 ass gestart mat 12 Schüler am franséische Grupp an 13 Schüler am däitsche Grupp.

Esou wéi de Plan d'études et virgesäit, gëtt d'Alphabetiséierungssprooch wärend 9 Unterrechtsstonnen an der Woch ënnerriicht an déi zweet Sprooch wärend enger Unterrechtsstonn mëndlech. D'Mathematik gëtt an der Alphabetiséierungssprooch enseignéiert an an de sougenannten Niewefächer ass d'Unterrechtssprooch Lëtzebuergesch.